ازاى تختارى نوع الروج المناسب من غير ما تحتارى

احنا هنساعدك تختارى نوع ولون الروج المناسب ليكى وكمان المناسب لبشرتك. الروج هو اللمسة النهائيه اللى بتظهر وتوضح تناسق المكياج والميكب واختيار لون الروج المناسب للون البشرة لو اختارتية غلط هيبوظ الميكب اللى انتى حاطه لانك ممكن تختارى لون يغمق بشرتك او يبهتها او يخليها شاحبة لان كل بشره ليها الالوان اللى تناسبها  فمثلا البشرة البيضة غير السمرا غير الخمرية ,عشان كدا احنا هنقولك ايه هواللون المناسب لبشرتك واللى يليق عليها عشان تكمل اناقتك وجمالك.

اولا : البشرة البيضة جدا.

ودى بقا بيتناسب معاها اللون الوردى او اللون الاحمر واللون الخوخى الفاتح وكمان تجنبى الالوان الغامقة او الالوان الفاتحه اوى لانها هتبهت لون بشرتك وهتبين لون بشرتك شاحب, ودا عشان تكمل اناقتك وشيكتك.

ثانيا : البشرة البيضة المتوسطه .

اما البشرة البيضة المتوسطة دى بقا يمشى معاها اللون الاحمر او البينك او الفوشيا او النبيتى او البرونزى بس نصيحة تجنبى الالوان الغامقه اوى عشان ده هيأثر على مظهرك ومش هيكون مناسب وهيخلي بشرتك باهته وشاحبه.

ثالثا : البشرة السمرا .

لو بشرتك سمرا هتناسبك الالوان الجريئة الواضحه زى مثلا اللون البرونزى او النحاسى او النبيتى وكمان الاحمر لكن تجنبى الالوان الشاحبة عشان مش هتكون حلوة عليكى ومش هتظهر جمالك وشياكتك فلازم تختارى الوانك بدقة وده عشانك.

رابعا : البشرة السمرا الداكنة.

البشرة السمرا اوى بتحتاج لالوان فاتحة عشان تظهر فيها وكمان اللوان الغامقه اوى بتكون جميلة مع بشرتك السمرا وغالبا بيتناسب معاها اغلب الالوان وده بيديكى حريه اكبر فى اختيار اللون اللى تحبيه وتشوفى انه مناسب ليكى ومتناسق مع مكياجك وملابسك.

 خامسا :البشرة الخمرية .

البشرة الخمرية دى البشرة المتوسطة بين البشرة البيضه والسمرا وده لون البشره السائد بكثرة فى الوطن العربى وهى نوع محظوظ عشان ده بيتناسب معاها معظم الالوان وبتكون واضحة فيها ,ممكن تستخدمى الاحمر او البرتقالى الفاتح او الفوشيا او النبيتى وكمان ممكن تستخدمى الالوان الدافئه الهادئه وده بيخليكى مرتاحه اكتر ومش هتحتارى كتير فى اختيارك للون الروج المناسب والمتناسق مع باقى الميكب والملابس بتاعتك وده هيساعدك تكونى جميلةوشيك وعالموضة كمان.

واخيرا بقا هنقولك على شويه نصائح ومعلومات عشان الروج يطلع حلوعليكى وتكمل شياكتك

1 _ لازم فى الاول تحددى لون بشرتك بالظبط عشان تعرفى هتستخدمى معاها ايه من انواع والوان الروج.

2_ متختاريش لون الروج نفس لون لبسك اختارى لون افتح او اغمق شوية عشان يظهر معاكى.

3_ ممكن تستخدمى ملمع عشان الروج يظهر بشكل احسن وافضل.

4 _ الا لوان الغامقه بتصغر الشفاه اما الاوان الفاتحه بتظهرها بشكل اكبر.

5_ لازم تكونى دقيقه فى اختياراتك وتكونى متناسقة عشان ده هو اللى هيظهر جمالك واناقتك.

وبكده نكون وضحنالك طريقه اختيار روجك وكمان ازاى يكون مناسب مع بشرتك ومتناشق مع مكياجك ولبسك عشان تكمل شياكتك واناقتك.

اشترك في النشرة الإخبارية لدينا

احصل على التحديثات وتعلم من الأفضل

المزيد من المقالات

دراسة جدوى مشروع اقتصادي من “دار الخليج”
أهم المشاريع

دراسة جدوى مشروع اقتصادي من “دار الخليج”

  تمتلك شركة ” دار الخليج” فريق عمل متكامل يعمل جاهدا على مساعدة المستثمرين ورواد الأعمال في تقديم دراسات جدوى بالطريقة المناسبة لذلك اصبحت دراسة

أهم ما يجب أن تعرفه عن الاستثمار العقاري في السعودية
استثمار

أهم ما يجب أن تعرفه عن الاستثمار العقاري في السعودية

اصبح الان الاستثمار العقارى داخل السعودية يشهد المزيد من التقدم الذى ساهم فى زيادة النموالاقتصادى بالاضافة انه ساعد بتوضيح عمليات الاستيراد والتصدير وهذا ما تسعى